Holly 話我每日都好似有一個新開始咁，諗諗下其實又係。佢叫我諗下如果我冇 quit 到第一份工既話，我既生活會同而家完全唔同，諗法同際遇都會完全唔一樣。嗯... 如果我冇 quit 到既話會係點呢？諗諗下覺得好 amazing。

今日見到好耐冇見既 Alison 同小雲，又見到成日見既 Holly 同得閒都會見下既 Low B。真係開心我地有個咁好玩咁多事發生既預科呀！

呢幾日先真正見識過咩叫女強人。唔係話好有錢，而係佢將自己所有時間與精神都花係自己既事業同生意上面... 每個鐘有六十分鐘，我諗佢有五十五分鐘用係自既生意上... 因為佢大部份時間都係用緊手提電話傾生意，有陣時公司電話同自己手提電話係同時用緊。九點半番到工司佢已經做野做到如火如荼，之後出去開會個幾鐘又番公司又再出去，之後又要番大陸，真係唔會有時間去諗其他野。我諗佢發夢都係諗緊自己既生意。當我今日幫佢 sort 好比 a/c 既單時一路諗：「究竟佢個腦幾時會停下去諗下自己，諗下屋企人，諗下朋友，諗下個世界發生緊咩事呢？」

自問自己三心兩意心散得好緊要，完全唔可以一心一意去做一件事，就好似我會係 sort 緊文件時會聽人地講電話同諗人地個腦諗緊乜... 有好有唔好喇。要我一心一意去做生意，一日十幾個鐘連電話分鐘爆到七彩都係為事業既話... 真係寧願用自己既時間去做其他可以豐盛自己生命既野。

Let us go then, you and I,
When the evening is spread out against the sky
Like a patient etherised upon a table

- T.S. Eliot

唔提起都唔記得，原來我有本艾略特既詩集。