老細們都有以下幾個共通點：

• 善忘 / 無腦。放假前落的命令要你做什麼什麼，放假後走來像發現新大陸一樣問你：「你認為我們要來個什麼什麼好不好？」而你其實已經一早就準備好什麼什麼，你心想：「你唔係玩呀？唔係一早就 confirm 咗架咩？你唔好而家先話唔要呀！」
  
• 會把 minor things 提千百萬次，且當你無能而做不到。你已好好的把事情辦妥，事情都成為 bygones 時，她/他們會把事情連根拔起重頭到尾追問一次，真到找到錯處捉到痛腳為止，並藉這機會好好的訓話一番，好讓她/他們有機會 show off 自己的 so-called leadership & 平時在正常情況下因為自己對員工的工作不熟悉而不能發揮的「老細本色」。
  
• 會把 critical 的事情收在心，然後在 last min 才跟你說要你跟。我的天，可不可以少理 minor things 把多點說話留在 critical things 呢？
  
• double standard。她/他們桌上亂得看不見桌面，郤到我的整齊的桌面把兩顆釘書釘及一點擦膠碎丟掉，再對你說：「我份人好拍汙糟既(加 r 音)，咁，唔該你可唔可以 keep 乾淨張枱？」之後見到一個膠袋後反應有如見到蟑螂一樣，受驚的縮作一團，用可愛小女孩的聲線跟你說：「呢 d 野唔可以係度出現架(加 r 音)，唔該你搞搞佢好唔好？」天！你可以先處理一下列你自己桌上的雜物，後才看我桌上的擦膠碎呀！
  
• 當你是她/他們肚內的一條屎蟲，認為你對她/他們的任何事都瞭如指掌，她/他們說一個單字，一個動訶，無需知道前因後果你都知道她/他們要你做什麼。但，你也頂多為她/他們吃吃屎罷了。可悲的是我們不是屎蟲，郤天天要吃她/他們的屎。
  

今日老細要我在她亂到非筆墨能形容的電腦 folder 內找一張 transmittal。她問：「你記唔記得我地有個 xxxx 先？記唔記得呀？」「係。」「咁你會係 xxxx 到找到架喇，你自己跟下好唔好？」「係 xxxx 到冇 transmittal 既野。」「你 sure 冇？你唔找下？咁係邊呀？你嚟咗兩個禮拜應該好熟架喇喎！不如你打比阿邊個 (ex-employee) 同你 go through 一次好唔好？」「 ... 得架喇我自己搞得惦。」「嗱，你而家係 xxxx 度睇先喇 ... (下省千萬字)」

間公司係你開既... 點解你自己都唔知 transmittal 既野放係邊？見你望住咁多個 drive 咁迷惑，你係咪真係知你自己既野係邊架？同你講咗冇，你都係要人地去睇既？其實係嚟咗三個禮拜喇，電腦入面 d file 我幫你 gather 同 sort 架，而家先嚟要個舊同事同我 go through 上 training 唔覺得遲咩？

同埋... 最重要既... 我根本就唔係想知張 transmittal 係邊...

成日話人好晒時間做無意義既事，你都做唔少喇！