爸那邊啲姑姐姑丈都仲叫似番啲人，打嚟叫我地幫手做啲嘢都客氣啲，冇話即叫即做。媽那邊嗰個阿姨舅父，真係洗人唔洗本。一個電話嚟「你阿媽呢？」「出咗街」「咁你阿爸係咪屋企呀？」「唔係喎。」「咁手提幾多號？」「9XXX XXXX」 … 唔該 bye bye 都冇就咁就收咗線。仲要唔係第一次咁樣… 以為咩事咁急喇，問番爸媽先知係無聊嘢… 冇帶屋企鎖匙出街唔記得鎖門冇交管理費樓下信箱爆咗屋企隻狗未餵… 唉！洗人做嘢都算，好心自己親細佬妹阿哥家姐個電話號碼就 save 好喇，有乜理由次次都打嚟問？
另一個，中三畢業，冇份正職做得長，但因為係佢阿媽，我阿婆既照顧下，未愁過生活，仲結埋婚生埋女。個女都小學喇，仲同人搞婚外情，並同個女人係出面搞公司話自己做生意，唉，都算喇，唔輪到我理。點知開公司請個 sec 都懶，一有親啲咩信，咩文件，只要係英文既就打嚟揾阿爸。大佬我阿爸都係高佢兩個 form 畢業咋，曉飛呀？就係咁就搞著我… 咁點呀而家？一個電話嚟就要我出封 business letter，自己去商務三聯買本 business letter 既書喇！佢就真係開心呀，一個仙都唔洗比就有個大學生幫佢做 paper work！唔怪之得做咗幾年冇聽過佢講話好好生意但又唔見執笠喇！
呢啲就係親戚？又唔見我阿爸阿媽有咩事佢地會理？打比佢就永遠都唔聽唔覆電話，咩意思呀？真係好討厭！！！
skip to main |
skip to sidebar
a handful of rice growing up (old) in Hong Kong
No comments:
Post a Comment